Lutja per sot-4 Shtator 2015

Perendi i mahnitshem. Kur ndaloj dhe mendoj sesa gjera te vogla per syrin tone ti i ke krijuar te funksionojne-mahnitem. Ndersa lexoj mbi studimet e neurologeve mbi trurin-mahnitem. Kur shikoj foto shpjeguese te menyres sesi permes spermes se burrit dhe vezes se gruas formohet nje foshnje-mahnitem. Kur kuptoj qe syri yne fotografon dhe regjistron mijera pamje cdo dite-mahnitem.

Jo me kot psalmisti thote qe vec budallenjte thone qe nuk ka Perendi. Une kam qene budalle me pare ndersa e kam jetuar jeten pa ty rreth e rrotull. Por ndersa syte e mi jane hapur dhe arrij te shikoj shenjat qe Ti ke lene kudo, e kuptoj qe ti u zbulohesh te perulurve dhe jo krenareve, u zbulohesh atyre qe kane kureshtjen e nje femije dhe jo atyre qe mendojne qe dine gjithcka.

Sot une lutem qe te hapesh ende syte e mi dhe te shoh madheshtine tende, te shoh bukurite e tua rreth e qark meje, ta shoh krijesen tende me syte e tu-pa gjykuar, me dhembshuri dhe me dashuri.

Sot une lutem qe te hapesh syte e milionave shqiptare kudo ne bote, qe ende nuk e kane kuptuar sesa i madherishem Ti je. Une lutem qe Ti te ulesh krenarine tone qe shpallet dhe me shprehje te tilla arrogante: “Feja e shqiptarit eshte shqiptaria”. Populli yne do e gjeje vetveten kur te gjen Ty. Na fal dhe na meshiro sepse ne krenarine tone ne kemi thene dhe bere gjera qe njeriu nuk i fal, por Ti i mahnitshmi Perendi fal. Ti erdhe ne mesin tone, u veshe me natyre njerezore per te na nxjerre nga mizoria ku mekatet tona na kishin futur. Ti na jep shprese ndersa shohim tek kryqi vendi ku ligesia jone dhe dashuria jote u shfaqen haptazi. Ndersa ne thirrem “Kryqezoje”, ti thirre “Ate fali”.

Une sot e perul zemren time ne adhurim perpara Teje o Perendi, duke te adhuruar per ate qe ti je. Ne pasqyren qe na ofron ne shohim pastertine tende dhe njollat tona. Ti nuk na gjykon, por na i zbulon qe ne te kuptojme. Te adhuroj o i Mahnitshmi Perendi.

0 Comments

lere me poshte komentin tend